Саха сирин баһылыга Арктика оройуоннарын олохтоохторугар чэпчэтиилээх авиабилиэт атыытын сөргүтэргэ сорудахтаата.
«Бу сыалга 175 мөлүйүөн солкуобай көрүллүөҕэ. Арктикаҕа олус наадалаах боппуруоһу Өрөспүүбүлүкэ бырабыыталыстыбатыгар түргэн соҕустук быһаарарга сорудахтаатым»,-диэн Айсен Николаев бэйэтин телеграмм- ханаалыгар иһитиннэрдэ.
Субсидияламмыт билиэттэр Арктика оройуоннарыгар чахчы пропискалаах дьоҥҥо атыыланыахтара. Испииһэккэ Арктика 14 нэһилиэнньэлээх пууннара киирдилэр: Үрүҥ хайа, Баатаҕай, Депутатскай, Зырянка, Муома, Өлөөн, Саккырыыр, Сааскылаах, Орто Халыма, Черскэй, Чокурдаах, Уус-Куйга.
Холобур, Дьокуускай — Баатаҕай хайысхатынан үксүн 22 900 солк. буоллаҕына, чэпчэтиллибит билиэт сыаната – 9 100 солкуобайга тэҥнэһиэҕэ, Сааскылаахха — 36 565 солк. буоллаҕына, — 14 600 солк., Муомаҕа диэри — 24 855 солк. эбит буоллаҕына чэпчээн 9 900 солк. буолар.
