Бырабыыталыстыба эдэр предпринимателлэр Арктикаҕа сыһыаннаах бырайыактарын өйүөҕэ. Бэйэлэрин дьыалаларын Арктика регионнарыгар тэринэр 25-гэр диэри саастаах эдэр урбаанньыттарга 100-тэн 500 тыһ. солк. диэри граннары ылыахтара,- диэн Арассыыйа премьер-миниистирэ Михаил Мишустин биллэрбитин, ТАСС суруйар.
«Бүгүн бырабыыталыстыба 25-гэр диэри саастаах эдэр предпринимателлэргэ эбии көмөлөһүөҕэ. Кинилэр 100 тыһ. 500 тыһ. солк. диэри харчыны бэйэ дьыалатын арыналларыгар эбэтэр сайыннаралларыгар ылар кыахтаахтар.Эбэтэр Арктика зонатыгар олорор буоллахтарына көмө харчы 1 мөл. солк. диэри тиийиэн сөп», — диэн бырабыыталыстыба премьер миниистирэ мунньах кэмигэр бэлиэтээтэ.
«Урут маннык кыах социальнай бырайыактарынан дьарыктанар тэрилтэлэргэ эрэ баар этэ. Билигин үбүлээһин өссө элбэх хайа баҕар кэскиллээх хайысхалаах хампаанньаларга бэриллиэҕэ. Онно сөптөөх үп бүддьүөт номнуо көрүллүбүтэ. Быйылгы сылга-2 млрд солк. тахса сууманы тыырбыппыт», — диэн Мишустин эбэн эттэ.
Үбүлээһин «Бизнеһы чэпчэкитик саҕалыыр уонна салгыыр» туһунан федеральнай бырайыак чэрчитинэн «Кыра уонна орто урбаанньыттары өйүүр» национальнай бырайыакка киирэр бырагырааманан барыаҕа.
Докумуон тас санкционнай баттааһын усулуобуйатыгар Арассыыйа экономикатын сайыннарар бастакы уочараттаах дьайыыларын былаанын чэрчитинэн бэлэмнэннэ.
