28 Кулун тутар 28.03
  • -13°
  • $ 92,59
  • 100,27

Арктика аграрийдара куораттар ардыларынааҕы таксига айаннарыгар компенсация ылыахтарын сөп

Читайте нас на
Яндекс Новости
ЯДВ

Арктикаҕа олорор агропромышленнай комплекс үлэһиттэригэр куораттар ардыларынааҕы таксинан айаннарын төлөбүрүн 100 бырыһыан компенсациялыырга былаанныыллар. Маны сэргэ, саҥа уларыйыыларынан, аграрийдар санаторнай-курортнай эмтэниилэрэ 14 күн буолла, эрдэ 18 күнэ. Бу уларыйыылары бырабыыталыстыба уурааҕын бырайыагар киллэрдилэр, суруйар СИА.  

Бүгүн бырабыыталыстыба бэрэссэдээтэлэ Андрей Тарасенко мунньах ыытта. Тыа хаһаайыстыбатын министиэристибэтэ регион агропромышленнай комплексын үлэһиттэрэ санаторнай-курортнай эмтэниилэригэр чэпчэтиилээх путевка биэриитигэр бэрээдэги бигэргэтэр бырайыак киллэрдэ.

«Бырайыакка үс уларыйыы киирдэ. Бастакыта, Арктика улуустарыгар олорор аграрийдар куораттар ардыларыгар таксиига айаннаабыттарын төлөбүрүн 100% компенсациялыырга. Эрдэ тимир суолга уонна көтөр аалга эрэ баара. Үлэ министиэристибэтин бирикээһигэр олоҕуран оҥоһулҥнна», — диэтэ миниистир Александр Атласов.

Салгыы уларыйыыга санаторнай-курортнай эмтэниигэ хонуга кыччаата, 18-тан 14-кэ диэри. Миниистир эппитинэн, бу аграрийдар өр үлэттэн тэйбэттэрин кытта сибээстээх.

«Үсүһүнэн, АПК үлэһиттэрин идэлэригэр испииһэк кэҥэтилиннэ. Баар уурааҕынан билигин 20  позиция, ол иһигэр табаһыт идэтэ баар. Саҥа редакциянан ити сыыппара 45 идэҕэ тириэрдилиннэ, манна РФ бырабыыталыстыбатын уурааҕын классификаторыгар сигэннибит», — диэтэ миниистир.

Хаартыска: Андрей Сорокин, СИА
ЯСИА сонуннарын Telegram-канале уонна WhatsApp-группе аах.
Следите за самым важным и интересным в Telegram-канале и WhatsApp-группе ЯСИА