Устудьуоннарга уонна медицина үөрэҕин бүтэрээччилэргэ «Здравоохранение в Арктике» өрөспүүбүлүкэтээҕи вакансия онлайн-дьаарбаҥката ыытылынна муус устар 6-7 күннэригэр ыытылынна. Манна Муома улууһа кытынна.
Дьаарбаҥкаҕа Муоматтан оройуон аҕа баһылыга И.П. Павлов, кылаабынай быраас Н.Г. Павлова, дьарыктаах буолуу киинин сүрүннүүр специалиһа С.А. Архипова уо.д.а. кыттыыны ыллылар.
Саха сирин Арктикатын оройуоннарыгар эмп үлэһиттэрин ыҥырар сыаллаах тэрээһин муниципалитеттар социальнай-экономическай сайдыыларыгар олус наадалаах. Холобур, Муома оройуонугар гинеколог, психиатр-нарколог, терапевт, педиатр, бактериолог, дерматолог, хирург, о.д.а. быраастар, акушер, суһал көмө фельдшерэ, сиэстэрэлэр тиийбэттэр. Итини тэҥэ аптекаҕа провизор, фармацевт вакансиялара аһаҕас.
Дьаарбаҥка кыттыылаахтара онлайн режимҥэ Муома улууһун уонна атын Арктика оройуоннар тустарынан биллилэр, интэриэһиргиир боппуруостарыгар тута хоруйдары ыллылар. Үлэ көрдөөччүлэр резюмеларын ыытан, «Земский доктор», «Земский фельдшер» бырагыраамаларынан кэлиэхтэрин сөп.
Муомаҕа 2021 с. саҥа балыыһа тутуллуохтаах, суруйда https://www.instagram.com/gazetaindigiruottara/
