Россия 14 регионуттан 60 хампаанньа 17-с төгүлүн ыытыллар «Стройиндустрия Севера. Архитектура. Строительство. Недвижимость» быыстапкаҕа кыттар. Тутуу, энергетикэ, дьиэ-уот коммунальнай хаһаайыстыба эйгэтигэр үлэлиир исписэлиистэр кыттыылаах семинардар, төгүрүк остуоллар буолаллар.
«Стройиндустрия Севера» быыстапка өрөспүүбүлүкэ тутууга бизнеһигэр сүрүн дьаһалынан буолар. 17 сыл устата тутааччылар, энергетиктэр, коммунальнай хаһаайыстыба исписэлиистэрэ, табаары тиэрдээччилэр, атыылаһааччылар, инженердэр, бизнес бэрэстэбиитэллэрэ уонна былаас түмсэн аныгы дьиэни тутууга, билиҥҥи дьиэ-уот коммунальнай хаһаайыстыба тирээн турар боппуруостарыгар соруктары туруоран быһаарыылары ылаллар.
Быыстапка үс хайысханан ыытыллар: «Тутуу», «Архитектура» уонна «Хамсаабат баай-дуол уонна Инвестиция».
Быйыл араас регионтан 60 бэрэстэбиитэл кыттар. Саха сирин тутааччыларын Сойууһун генеральнай дириэктэрэ Айхал Габышев эппитинэн, элбэх хампаанньа кыттара «Стройиндустрия Севера» дойду предпринимателлэригэр олус суолталааҕын кэпсиир.
Быыстапка олунньу 26 — 28 күннэригэр «50 лет Победы» комплекска буолар.
This post was published on 26.02.2020 14:41 14:41