Саха сирин епархията анал байыаннай дьайыы кыттыылаахтарын дьиэ кэргэттэригэр куруук духуобунай көмөнү оҥорор.
Бэҕэһээ СВО-ҕа сырдык тыыннара быстыбыт буойуттар ийэлэрин, кэргэттэрин кытта архиепископ Роман көрүстэ. Кэпсэтии иннинэ архипастырь Ороһооспонон уонна Кириһиэнньэнэн эҕэрдэлээтэ, өлбүттэр ааттарыгар лития оҥордо.
Владыка православия музейыгар экскурсия оҥордо. Истиҥник-иһирэхтик кэпсэттилэр.
«Память воинов СВО» холбоһук бэрэссэдээтэлэ Жанна Грекова буойуттар соҕотохсуйбут аймахтарыгар, чугас дьонноругар Саха сирин епархията өйөбүллэрин иһин кинилэргэ махтал биллэрдэ. Аҕа дойду буойуннарын дьиэ кэргэттэрин кэмитиэтин бэрэстэбиитэлэ Альбина Винокурова санаатын тириэртэ.
Владыка буойуттар ийэлэригэр, кэргэттэригэр этэҥҥэ буолууну баҕарда уонна бэлэхтэри туттарда.
This post was published on 22.01.2024 11:01 11:01