Быйыл «Доступное арендное жильё» бырагыраама чэрчитинэн үс саҥа олорор комплексы Дьокуускайга, Нерюнгрига уонна Алдаҥҥа киллэриэхтэрэ. Ол туһунан Саха сирин бастакы вице-премьера Дмитрий Садовников тутуу кэллиэгийэтигэр эттэ.
«Дьокуускайга 141 кыбартыыра, Нерюнгрига – 192 уонна Алдаҥҥа – 28. Маны сэргэ социальнай инфраструктура сайдыытыгар улахан болҕомто ууруллар», — диэтэ салайааччы.
Сыл бүтүөр диэри 41 социальнай эбийиэк тутуллан үлэҕэ киириэҕэ, ол иһигэр оскуолалар, дьыссааттар, доруобуйа харыстабылын, спорт, култуура уонна да атын хайысха тэрилтэлэрэ.
«Өрөспүүбүлүкэҕэ суобаһа суох тутааччылар дьайыыларыттан эмсэҕэлээбит дьонтон сайабылыанньа тутуута саҕаланна. Регион реестрыгар 86 киһи киирдэ. Бу сылга бу дьоҥҥо төлөһөргө 92,5 мөл солк өрөспүүбүлүкэ бюджетыттан көрүлүннэ», — диэтэ Дмитрий Садовников.
This post was published on 11.04.2025 18:03 18:03