Өрөспүүбүлүкэ кэккэ оройуоннарыгар атырдьах ыйын 15 күнүгэр ардах, тоҥоруу буолара сабаҕаланар. Бу туһунан УГМС иһитиннэрдэ.
Өрөспүүбүлүкэ хотугулуу-илиҥҥи өттүгэр кыра, сорох сиринэн мөлтөх ардах түһүөҕэ. Регион соҕуруу уонна соҕуруулуу-илин өттүгэр кылгас ардахтар (миэстэлэринэн) буолуохтарын сөп. Тыал мөлтөх буолуо эрээри, сорох сиргэ 14 м/с диэри күүстээх буолуоҕа.
Салгын температурата + 6… +11 °с, Саха сирин киин өттүгэр тоҥоруон сөп, оттон хотугулуу-арҕаа -2 °с. Күнүс салгын +14… +19 °с, хоту +5… +10 °с, соҕуруулуу — арҕаа уонна соҕуруу — +19… +24 °С диэри итийиэҕэ.
Дьокуускайга, синоптиктар бэлиэтээбиттэринэн, ардах түспэт. Тыал түргэнэ 9 м/с., салгын температурата түүн +5… +7 °с, оттон күнүс +18… +20 °с диэри сылыйыа.
This post was published on 14.08.2025 17:45 17:45