Социальнай пуонда олунньу 1 күнүттэн кэккэ социальнай уонна страховой төлөбүрдэри 5,6% индексациялаата. Үрдэтии бары ылааччыларга быһа ыытылынна, диэн пуонда пресс-сулууспата иһитиннэрэр.
Соцфонд көрдөрөрүнэн, индексация кэнниттэн инбэлииттэргэ ыйдааҕы харчынан төлөбүр 3,5 тыһ. — 6,2 тыһ. солк. диэри улаатта, олохтоммут бөлөхтөн көрөн, Аҕа дойду Улуу сэриитин кыттыылаахтарын төлөбүрэ 6,6 тыһ. солк. тэҥнэстэ, үлэ Геройдарыгар ыйдааҕы харчынан төлөбүр индексация кэнниттэн 76,5 тыһ. солк. тиийдэ, Оттон Россия уонна ССРС Геройдарыгар төлөбүр 103 тыһ. солк. ыйга таҕыста.
