Кулун тутарга муус устар 10 күнүнээҕи квитанцияны ылбыт РФ гражданнарыгар управляющай хампаанньаҕа билсэргит ирдэнэнр, онно квитанцияҕа уларытыылары киллэрэртэн аккаастанар буоллаҕына, олохтоохтор Олорор дьиэ инспекциятыгар эбэтэр Роспотребнадзорга үҥсүү түһэриэхтээхтэр, диэн кэпсээтэ РИА Новости-га общественнай деятель, ОДЬКХ эксперт Дмитрий Бондарь.
Кулун тутар 1 күнүттэн Россияҕа киирбит саҥа быраабылаҕа олоҕуран, гражданнар 5-с чыыһылаҕа диэри олорор дьиэ уонна коммунальнай өҥө иһин төлөбүр докумуоннарын ылыахтаахтар, оттон ааспыт ыйга оҥоһуллубут ОДЬКХ өҥөтүн иһин төлөбүрү билигин 15-с чыыһылаттан хойутаабакка киллэриэхтээхтэр.
«Сорох ааҕар-суоттуур кииннэр уонна салайар тэрилтэлэр урукку шаблоннары туттуохтарын сөп, онно үгэс быһыытынан 10-с чыыһыла бэчээттэнэр. Кулун тутар төлөбүрүгэр урукку датаны буллаххытына, бастатан туран, бэйэҕит салайар хампаанньаҕар эрийиэххэ эрэ наада. Бу кыһалҕаны тиэрдэр саамай түргэн ньыма буолуо. Эрийии кэнниттэн тута «Госуслуги.Дом» диэн мобильнай сыһыарыы нөҥүө ыҥырыыны хатылыыр туһалаах буолуо. Ити сайаапкаҕыт цифровой дьайыы барбытын бигэргэтиэҕэ, төлөпүөнүнэн көрдөһүү туһунан этиини аахайбат түгэннэригэр», — диэн Бондарь сүбэлээтэ.
Эксперт федеральнай сокуон төлөбүр квитанциятыгар баар иһитиннэрииттэн тутаах буоларын тоһоҕолоон бэлиэтээтэ. Кини РФ гражданнара ый 15-с күнүгэр диэри кыбартыыра сылааһын иһин харчы киллэрэр бырааптаахтарын бэлиэтээтэ.
«Оттон эһиэхэ итинник сыыһа даталаах төлөбүр кэлэн, хампаанньа көннөрүүнү киллэрэртэн аккаастаннаҕына, Олорор Дьиэ инспекциятыгар уонна Роспотребнадзорга үҥсүү түһэриэхтээххит. Тэрилтэ төлөбүр докумуонугар итэҕэс информацияны биэрии иһин административнай эппиэтинэс ылыан сөп. Роспотребнадзор туһанааччы кырдьыктаах информацияны ылар быраабын кэһэр иһин РФ КоАП 14.8 ыстатыйатынан ыстараап суруйар кыахтаах. Юридическай сирэйдэргэ 5 тыһыынчаттан 10 тыһыынча солкуобайга тиийэр. Ону тэҥэ Олорор Дьиэ инспекцията бэчээти туоратыыга дьаһалы биэрэр кыахтаах», — диэн эбэн эттэ Бондарь.
Эксперт түмүктүүрүнэн, олохтоохторго саамай судургу суол — 15-с чыыһылаҕа диэри саҥа төлөбүр графигын тутуһуу уонна бары туруорсууларын цифровой көрүҥүнэн бигэргэтии.
This post was published on 18.03.2026 10:02 10:02