Бүгүн Сунтаар улууһун баһылыга Анатолий Григорьев Арассыыйа Дьоруойа Филипп Евсеев чугас дьонун кытта көрүстэ. Көрсүһүүгэ Филипп ийэтин бииргэ төрөөбүт эдьиийэ уонна кини бииргэ төрөөбүт балтыта кэлэн, ирэ-хоро кэпсэттилэр, диэн Сунтаар улууһун телеграм-ханаала суруйар
Дьоруой Дьокуускайга эмтэниини ааһа сылдьар буолан, видеосибээһинэн улуус дьаһалтатын аатыттан 5 мөлүйүөн солкуобай суумалаах сертификаты туттардылар.
Филипп Евсеев үс оҕолоох дьиэ кэргэн аҕата. Онон бу үп ыал дьон, куоракка дьиэ ылыналларыгар, олохторун оҥостоллоругар төһүү буолуоҕа диэн улуус дьаһалтатын пресс-сулууспата иһитиннэрдэ.
