Бүгүн Саха сиригэр Арассыыйа ыксаллаах быһыыга-майгыга министиэристибэтин (ЫБММ) 200 быыһааччыта кэлэрэ күүтүллэр. Кинилэри уот суоһуур нэһилиэктэригэр ыытыахтара.
Билигин өрөспүүбүлүкэ үрдүнэн 68 ойуур баһаарын умуруораллар.
«Быыһааччылары тутатына 25-тии киһилээх аҕыс бөлөххө арааран ойуур уота суоһуур нэһилиэктэригэр ыытыахпыт», — диэтэ бу сарсыарда бастакы вице-премьер Дмитрий Садовников.
Билигин уот Нам улууһун Өргөлөөҕөр, Харыйалааҕар, Таатта Ытык Күөлүгэр, Горнай Бэс Күөлүгэр, Уус Алдан Бээрийэтигэр, Кылаайытыгар, Үөһээ Бүлүү Кырыкыйыгар, Хомустааҕар, Кэбээйи Сииттэтигэр, Сангаарыгар, Кальвицатыгар, Чурапчы Мэлдьэхситигэр суоһуур.
This post was published on 11.08.2021 17:01 17:01