Арассыыйа биллиилээх хайыһардьыттара, олимпийскай чемпионнара Алдаҥҥа эдэр хайыһарга маастар-кылаастары ыытыахтара, ону тэҥэ семинар уонна Саха сирин хайыһарга сүүмэрдэммит хамаандатын көҕүлүүр кэпсэтиилэри былаанныыллар.
Бүгүн, муус устар 20 күнүгэр, өрөспүүбүлүкэҕэ олимпийскай чемпиону уонна аан дойду үс төгүллээх чемпионун, Арассыыйа спордун үтүөлээх маастарын Никита Крюковы уонна норуоттар икки ардыларынааҕы кылаастаах спорт маастарын Антон Гафаровы көрсөллөр.
Хайыһар спорда өрөспүүбүлүкэтээҕи спортивнай оскуолатын пресс-сулууспатыгар иһитиннэрбиттэринэн, Алдаҥҥа Арассыыйа батлонистарын эрчиллэр тэрээһиннэрин ыытыахтара.
Дойду биатлоҥҥа сүүмэрдэммит хамаандатын старшай тренерэ Юрий Каминскай уонна стрелковай бэлэмнээһиҥҥэ тренерэ Максим Максимов «Анна Богалий- Skimir» кыттыбыт 17 регионтан хамаандалар тренердэригэр икки семинар ыыттылар.
This post was published on 20.04.2023 11:05 11:05