Арассыыйа бэчээтин күнүгэр Саха сирин суруналыыстарыгар өрөспүүбүлүкэ биэдэмистибэлэрин уонна судаарыстыбаннай наҕараадаларын туттардылар. Саха сирин үтүөлээх суруналыыһын бочуоттаах аатын «Сахамедиа» генеральнай дириэктэрин солбуйааччы, политолог Чокуур Гаврильевка иҥэрбиттэр, диэн суруйда ЯСИА.
Чокуур Гаврильев 25-тэн тахса сыл СМИ эйгэтигэр үлэлээтэ. Чокуур Николаевич өссө Хотугулуу-Илиҥҥи федеральнай университекка преподавателинэн үлэлиир, кини үгүс эдэр кэрэспэдиэннэр идэлэригэр суолларын саҕалыылларыгар наставник буолар.
«Бу мин тус наҕараадам буолбатах, СМИ эйгэтин айар кэлэктиибин бүтүннүүтүн ситиһиитэ дии саныыбын. Мин «Саха» НКИХ, «Сахамедиа»-ҕа уонна «Саха Сирэ» хаһыат кылаабынай эрэдээктэринэн, ону тэҥэ Ил Түмэн пресс-сулууспатыгар үлэлээбитим. Мин биир идэлээхтэрбэр, түгэнинэн туһанан бииргэ үлэлээбиппитигэр махтаныахпын баҕарабын. Саха суруналыыстыката үйэ-саас тухары үгэстэри тутуһар уонна салгыы сайдар. Уларыта тутуу ыытыллыбыта, оройуон хаһыаттара бэйэлэрэ сайтаах буолаллар. Былырыын аспирантураны бүтэрбитим, чопчу медиа туһаныыны үөрэппитим, эйгэ уларыйар, үгэс буолбут СМИ ситиһиилээхтик күрэстэһиэхтээх», — диэн «Сахамедиа» генеральнай дириэктэрин солбуйааччы, политолог, суруналыыс Чокуур Гаврильев бэлиэтээтэ.
СМИ бэрэстэбиитэллэрин регион баһылыгын уонна бырабыыталыстыбатын дьаһалтатын салайааччыта Георгий Михайлов эҕэрдэлээтэ. Саха сирин судаарыстыбаннай наҕараадаларын таһынан, суруналыыстарга регион инновацияҕа, цифровой сайдыыга уонна инфокоммуникационнай технологияларга министиэристибэтин наҕараадаларын туттардылар. Саха сирин 200 маассабай информация сириэстибэлэрэ көрдөрөллөр.
This post was published on 13.01.2026 15:11 15:11