Арассыыйа суруналыыстарын сойууһа үөрэх, култуура уонна доруобуйа харыстабылын эйгэтигэр билигин баар бырагыраамаларга атылыы «Земскэй суруналыыс» бырагырааманы тэрийэргэ этии киллэрдэ, диэн СЖР бэрэссэдээтэлэ Владимир Соловьев РИА Новостига иһитиннэрдэ.
Кини билигин Арассыыйа суруналыыстыкатын төрүтүнэн буолар оройуон хаһыаттарыгар үлэһиттэр тиийбэттэрин кэпсээтэ.
“Онно ыччат кыра хамнаска үлэлии барбат, онон «Земскэй суруналыыс» көҕүлээһинин туһунан этэбит. Саҥа олоххо киирбит «Земскэй култуура үлэһитэ» итиэннэ хайыы-үйэ үлэлии сылдьар «Земскэй доктор», «Земскэй быраас» курдук, — диэтэ Соловьев.
Сойуус баһылыга маннык көҕүлээһин нэһилиэктэргэ, кыра куораттарга, улуустарга ыччаты «олохсутарга» көмөлөһөрүн, ону тэҥэ дьиэни атыылаһарга кыах биэрэрин, кыра нэһилиэнньэлээх пууннарга саҥа кадрдар кэлиилэрин өйүүрүн тоһоҕолоон бэлиэтээтэ.
