2025 сылга норуот сомоҕолоһуутун бырааһынньыгынан сибээстээн, Россия дьонун үс күннээх өрөбүл күүтэр. Госдума үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэт баһылыга Ярослав Нилов ТАСС-ка эппитинэн, сэтинньи 1 күнүнээҕи субуота үлэ күнэ буолар, осынньалаҥа бэнидиэнньиккэ, сэтинньи 3 күнүгэр, көһөрүллүбүтүн кэпсээтэ.
Онон сэтинньи 2, 3 уонна 4 күннэрэ сынньалаҥ күннэринэн биллэриллэр. Ол иннинэ Россия олохтоохторун алтынньы 27 күнүттэн сэтинньи 1 күнүгэр диэри алта күннээх үлэ нэдиэлэтэ күүтэр. Субуотаҕа үлэ күнэ кылгатыллыаҕа.
Депутат этэринэн, маннык быһаарыы үлэ халандаарын уонна гражданнар күннэрин табыгастаахтык тутталларыгар анаан ылыллыбыт.
Нилов РФ үлэҕэ министиэристибэтэ бэлэмнээбит этиитин бырабыыталыстыба, профсоюз уонна үлэ биэрээччилэр түмсүүлэрин бэрэстэбиитэллэритэн үлэлиир хамыыһыйа эмиэ өйөөбүтүн тоһоҕолоон бэлиэтээтэ.
This post was published on 22.09.2025 16:10 16:10