Арассыыйаҕа «Уоту тохтот!» баһаары утары иһитиннэрэр федеральнайдааҕы хампаанньа быйыл кулун тутар 15 күнүттэн балаҕан ыйын 30 күнүгэр диэри ыытыллар. Кини киһи буруйунан айылҕа баһаардарын үөскүүр кутталын аччатыыга уонна хаппыт оту көҥүлэ суох өртөөһүнү сэрэтиигэ туһуланар. Ол туһунан www.sakha.gov.ru сайт суруйар.
«Статистика көрдөрөрүнэн, тыа баһаарын 70-ча %- на киһи буруйуттан тахсар. Сааскы, күһүҥҥү кэмнэргэ баһаардар саамай тарҕаммыт төрүөттэринэн тыа хаһаайыстыбатын сирдэригэр, даача учаастактарыгар уонна да атын сирдэргэ хаппыт оту хонтуруола суох өртөөһүн буолар», – диэн тэрийээччилэр бэлиэтээтилэр.
«Уоту тохтот!» ойуурдарга уонна онно чугас сытар сирдэргэ баһаартан сэрэхтээх буолуу быраабылаларын кэһиини сэрэтии, ону тэҥэ ойуур пуондатын харыстааһын буолар. Айылҕа баһаардарын биир сүрүн биричиинэтинэн сылын ахсын буолар хаппыт оту уматары тохтотууга ураты болҕомто уурулунна.
Хампаанньа чэрчитинэн нэһилиэнньэни кытта информационнай-өйдөтөр үлэ күүһүрдүлэр. Гражданнарга баһаартан сэрэхтээх буолуу быраабылаларын тутуһуу наадатын санатыахтара, сокуон ирдэбиллэрин кэһии иһин эппиэтинэһи быһаарыахтара, ону тэҥэ хаппыт от көҥүлэ суох өртөөһүнүн уонна көрүүтэ-истиитэ суох кулуһун уота кутталлааҕын уонна сокуоннайа суоҕун туһунан кэпсиэхтэрэ.
Санатан эттэххэ, урут Ил Түмэҥҥэ суругар Саха сирин баһылыга Айсен Николаев дойду президенэ Владимир Путин өйөбүлүнэн уонна экологическай куттал суох буолуутугар болҕомто күүһүрбүтүнэн, 2025 сылга өрөспүүбүлүкэбит ойуурга ыксаллаах быһыы-майгы эрэһиимин киллэрэртэн туттунар кыахтаммытын бэлиэтээтэ. Региоҥҥа ойуур баһаарын уопсай иэнэ 160 тыһыынча гектарга тиийэ аччаата, ити ааспыт сыллар көрдөрүүлэриттэн уонча төгүл кыра.
«Бастакы суукка устата бары баһаар 63%-на бохсуллар буолла. Ити 2021 сыллааҕар сэттэ төгүл ордук. Спутниктарынан уонна пилота суох көтөр аппараттарынан 160 баһаар көстүбүтэ – уопсай ахсаантан 40%. 16 оройуоҥҥа ардах түһүүтүн үөскэтэргэ былыттаах сиргэ дьайар салгын суднолара тардыллыбыттара», — диэн Ил Дархан, “Биир Ньыгыл Россия» баартыйа Саха сиринээҕи региональнай салаатын сэкирэтээрэ Айсен Николаев бэлиэтээтэ.
This post was published on 20.03.2026 18:03 18:03