«Бубль-Гум» оҕо табаарын гипермаркеттарын ситимин экспертэрэ 2025 сыл ыам ыйыттан атырдьах ыйыгар диэри оскуола тэрилигэр интэриэс динамикатын ырыттылар уонна көрдөрүүлэри былырыыҥҥыга тэҥнээтилэр.
Уопсайынан, Россияҕа оскуола табаарын атыылаһыы 22% үрдээтэ. Бастакы миэстэҕэ Белгород буолла — манна үс төгүл кэриэтэ улаатта (+187%). Иккис миэстэни Нижневартовскай (+64%), кэнниттэн Иркутскай (+52%), төрдүс миэстэни Красноярскай (+38%) ылла. Кыра араастыһыынан биэс бастыҥ иһигэр Томскай уонна Тюмень киирдилэр, онно ирдэбил 37% үрдээбит.
Топ-10 куораттарга киирдилэр Петропавловскай-Камчатскай (+33%), Благовещенскай (+25%), Южно-Сахалинскай уонна Дьокуускай (+23%), ону таһынан Екатеринбург (+18%).
2025 сыл сайыныгар үксүн тэтэрээттэри, гель уонна шарковай уруучукалары, боростуой харандааһы, уруһуйдуур альбомнары, килиэй, сотор эрэһиинэ уонна сытыылыыр талбыттар.
Уопсайынан Россияҕа 12 лиистээх боростуой күөх тэтэрээттэргэ (+58%), скрепкаларга (+50%) уонна корректордарга (+32%) интэриэс ордук биллэрдик улаатта.
Россия дьоно оскуола иннинээҕи оҕолорго анаан кыра үрүксээктэри элбэхтик атыылаһар буолбуттара эмиэ интэриэһинэй: кинилэргэ ирдэбил 26% үрдээтэ.
