2026 сыл бэс ыйын 1 күнүттэн Арассыыйаҕа фруктаҕа, үрдэтиллибит характеристикалаах сиэмэлээх уонна уҥуохтаах култуураҕа саҥа ГОСТ киириэҕэ. Ити Росстандарт докумуонугар этиллэр, диэн суруйда ТАСС.
Саҥардыллыбыт стандарт токсичнай элеменнэр, микотоксиннар уонна пестицидтар ис хоһоонноругар ирдэбиллэри чуолкайдыыр, ону тэҥэ ГМО баарын бобууну киллэрэр, ол иһигэр фрукта үүннэриллиэхтээх олордор матырыйаалыгар.
Саҥа ГОСТ фрукта оҥорон таһаарыыга экологическай бириинсиптэри учуоттаан эбии ирдэбиллэри олохтуур. Маннык бородууксуйаны үүннэрии атын тыа хаһаайыстыбатын үлэтиттэн туспа буолуохтаах. Оҥорон таһаарыыга тулалыыр эйгэни харыстааһыҥҥа ирдэбиллэри тутуһуохха уонна айылҕа эйгэтин харыстааһыҥҥа уонна чөлүгэр түһэриигэ дьаһаллары ыытыахха наада.
Саҥа ГОСТунан оҥоһуллубут уонна сертификацияны ааспыт бородууксуйа «Зеленый эталон» диэн анал бэлиэлэнэр кыахтаах.
Росстандартка үчүгэй характеристикалаах бородууксуйаны оҥорон таһаарыы тыа хаһаайыстыбатын тутаах хайысхатынан буоларын бэлиэтээтилэр. Докумуон хаачыстыбалаах бородууксуйа туһунан федеральнай сокуон чэрчитинэн оҥоһулунна.
This post was published on 12.03.2026 16:11 16:11