Арассыыйа сорох регионнарыгар 5 уонна 10 солк. суумалаах харчыны эргиэҥҥэ киллэриэхтэрэ. Бу туһунан РФ баанын бэрэссэдээтэлин солбуйааччы Сергей Белов иһитиннэрдэ.
1997 сыллаах харчылар саҥа технологияларынан оҥоһуллан тахсыахтара бу харчы сулууспатын болдьоҕун улаатыннарарын уонна производственнай ороскуоту кыччатарга көмөлөһөрүн бэлиэтээтилэр. Белов манньыаталары кумааҕы харчынан солбуйбаттар диэн чопчулаата.
Экспертэр биэс уонна уон солкуобайдаах кумааҕы харчы төннүүтэ металл сыаната үрдээһинин кытта сибээстээх. Ону сэргэ, сорох дьон манньыаталары хат ууллараллар, инньэ гынан, эргиэнтэн таһааран кэбиһэллэр.
Аны сайын дойдуга саҥардыллыбыт бааннар биэс тыһыынчаҕа уонна биир тыһыынча солкуобайы презентацияланыахтара. Харчылар тупсарыллыбыт дизайнаах уонна быдан бөҕө буолуохтара.
This post was published on 03.03.2023 12:07 12:07