Дьокуускай куорат уола Дмитрий Пестерев Амма улууһугар тиийэр. «Куоракка баппатаҕым» диэн күлэ-үөрэ кэпсиир. Эмискэ олохсуйар санааланар, кэргэн ылар.
Урут ынах диэни түһээн да көрбөт эдэр киһи тыа сиригэр тиийэн хаһаайыстыба тутар. «Современный хотон» диэн былааннаан араас үлэни чэпчэтэр толкуйу киллэрэр.
Саҥа тутуллуохтаах хотон схемата
«Сүөһү иитиитэ диэн наһаа үчүгэй эбит. Ыччат тыа сиригэр хаһаайыстыба тэринэн олороругар кыах баар диэн санаатым. Баҕалаах буолуохха наада. Бэйэҥ үлэҕин хайдах тэринэриҥ бэйэҕиттэн тутулуктаах буоллаҕа. Билигин улахан саҥа хотон туттуохтаахпын. Онно дэриэбинэ саастаах дьонун сүөһүтүн тутан көрүөхтээхпин. Кээпэрэтиип курдук. Онон үлэм саамай үчүгэйэ дьэ саҕаланар», — диир Дмитрий.
Кэлиэгэм Николай Борисов аныгы фермер туһунан ЯСИА-ҕа суруйда: https://ysia.ru/videonablyudenie-v-hotone-gorozhanin-pereehal-v-selo-v-amginskom-rajone-i-stal-fermerom/
