Аршавин уонна Спиридонов хамаандаларыгар медиа-персоналар оонньоотулар: блогердар, ырыаһыттар, артыыстар, предпринимателлэр, спортсменнар уонна да атыттар.
Питер «Зенитын», Лондон «Арсеналын» уонна Казахстаан «Кайратын» сулуһун Аршавины көрөөрү элбэх киһи мустубут.
Хаартыска: Дьулустаан Сергеев/ ЯСИА
Дьокуускайдааҕы футбол хонуутугар көрсүһүүгэ бастакы икки голу, Аршавин хамаандатын туһатыгар, мини-футболга Саха сиринээҕи «Заряҕа» оонньообут Афанасий Федоров оҥордо. Ыҥырыылаах ыалдьыт салгыы ахсааны 3:0 таһаарар.
Аатырбыт футболистан атына диэн, хет-тригы миниистир Леонид Спиридонов кыайа тутар. Кинини сэргэ голларынан ырыаһыт Ариан Свинобоев, хапсаҕайдьыт Владислав Лепчиков, Дыгын оонньууларын призера Артём Варданян уонна оонньуурга билиэт сүүйбүт Анатолий Семёнов үөрдэллэр.
Иккис тайм бүтүүтэ ахсаан 8:8 буолар. Пенальти сериятыгар кыайыылааҕы быһаараллар, манна Леонид Спиридонов хамаандата өрөгөйдүүр.
