Россия президенин быыбарыгар куоластааһын анал байыаннай дьайыы буола турар территориятыгар саҕаланна. Байыаннай сулууспалаахтар, ол иһигэр Саха сириттэн, дойду саҥа түөрт субъегар бэйэлэрин гражданскай бырааптарын толороллор.
Ол туһунан өрөспүүбүлкэ биир кэлим сүрүннүүр киинин суһал штабын бэрэстэбиитэлэ Анна Винокурова эттэ. «Быстах быыбардыыр учаастактар байыаннай чаастар территорияларыгар тэрилиннилэр. Испииһэккэ баар байыаннай сулууспалаах бары киирэр», – диэтэ Анна Винокурова.
Ыйыллыбыт регионнарга байыаннай балаһыанньа эрэһиимэ биллэриллибитинэн, кэтээн көрөөччүлэр уонна онлайн-куоластааһын суох. Быыбар сокуон быһыытынан барарын байыаннай комендатура үлэһиттэрэ хааччыйаллар.
This post was published on 15.03.2024 13:31 13:31