Тохсунньу 18 күнүгэр киин куоракка Саха сириттэн анал байыаннай дьаһал кыттыылаахтарын уонна бойобуой дьайыылар бэтэрээннэрин наҕараадалаатылар.
Байыаннай иэһи толорууга эр санааланыы, хорсун быһыы уонна дьулуурдаах буолуу иһин, байыастарга «100 лет Якутской АССР» уонна «Сердце патриота» наҕараадалары туттардылар, суруйар СИА.
Байыаннай сулууспалаахтары кытта регион баһылыгын уонна бырабыыталыстыбатын дьаһалтатын салайааччыта Георгий Михайлов уонна бырабыыталыстыба чилиэттэрэ көрүстүлэр.
«Бүгүн геройдарбытын, эр санааланыы, хорсун быһыыны уонна дьулуурдаах буолууну көрдөрбүт уолаттарбытын чиэстиибит. Кинилэр байыаннай дьаһалга быһаарыныылаахтык кытыннылар, доброволецтарбыт төрөөбүт дойдуга ытыктабыллаах сыһыаннара холобур буолар», — диэтэ Георгий Михайлов.
Хаартыска: Мария Васильева
