Анаабырга икки таба иитиитинэн дьарыктанар муниципальнай тэрилтэҕэ уонна үс родовой общинаҕа холбоон 20 246 таба баара учуоттаммыт. Бу сааскы харааллааһын түмүгүнэн биллэрилиннэ.
«Үлэ Геройа И.К.Спиридонов аатынан МУТ-ҕэ» 11 524 таба, «Арктика» МУТ-ҕэ 1 793 таба, «Большой Бегичев» родовой общинаҕа 861 таба, «Балыксыт» родовой общинаҕа 1035 таба уонна «Сэдэмэ» родовой общинаҕа 538 таба сааскы хараал отчуотугар киирбит.
Билигин таба ыстаадаларыгар олус эппиэтинэстээх төрүөх ылыы кэмэ. Бу ый 12 күнүттэн 20-гэр диэри сааскы төрүөҕү ааҕыы саҕаланар. Ыстаадарга төрүөҕү ылыы хампаанньата элбэх өлүүтэ-сүтүүтэ суох үчүгэй тугуттары ылыы сүрүн сыалынан буолар, суруйда Евгений Константинов http://xn--80aaaaae5flrcuak4i.xn--p1ai/article/10529
