Атырдьах ыйын 5 күнүгэр Амур уобалаһыгар элбэх ардах түһэн, «Лена» федеральнайдааҕы суолга алдьаныы таҕыста. ЯСИА-ҕа «Лена» суол управлениета эппитинэн, тырааныспар бары көрүҥэр суол сабыылаах.
««Лена» трасса 39 — 160 км атырдьах ыйын 5 күнүгэр олохтоох бириэмэнэн 16:15 чаастан тырааныспар бары көрүҥэр суол сабыылаах. Миэстэтигэр хамыыһыйа үлэлиир, үлэ иэнэ быһаарыллар, тахсыбыт саахалы түргэнник туоратыыга сорук ылыллар», – «Лена» суол управлениетыгар эттилэр.
«Лена» федеральнайдааҕы суолга алдьаныыны биллэххитинэ быыһыыр сулууспаҕа 112 «Лена» суол управлениетыгар эрийиҥ: +7(41145) 31218; +79241731218.
This post was published on 05.08.2025 20:15 20:15