15 От ыйа 15.07
  • 28°
  • $ 87,74
  • 95,76

Амматтан төрүттээх Никита Шестаков Новосибирскай куорат призера буолла

16:34, 18 марта 2021
Текст:
Читайте нас на
Яндекс Новости
ЯДВ

ХИФУ автодорожнай факультетын устудьуона Никита Шестаков Саха сирин сүүмэрдэммит хамаандатын састаабыгар Новосибирскай куоракка дьарыкка сылдьан күрэхтэһиигэ кыттан үрүҥ көмүс призер буолла. Амма 1N-дээх орто оскуолатыгар үөрэммит, Н.С.Захаров – Сахаачча аатынан оҕо спордун оскуолатын иитиллээччитэ, хайыһарга Арассыыйа спордун маастарыгар кандидат, Уһук Илин икки төгүллээх призера Никита Шестаков кыһыҥҥы сезону сабар Новосибирскай куорат чөмпүйэнээтигэр хайыһарга бастыыр иһин күрэхтэһиигэ эр дьоҥҥо 10 км кыттан үрүҥ көмүс мэтээли кэттэ.


Саха сирин хайыһарга сүүмэрдэммит хамаандата билигин Новосибирскай куоракка үөрэнэр дьарыкка сылдьар. Спортсменнар кулун тутар ый бүтүүтүгэр Мурманскайга ыытыллыахтаах Бүтүн Арассыыйатааҕы чөмпүйэнээккэ кыттыахтара. Никита классическай истиилинэн 10 км, хаҥкылааһын истиилинэн 15 км уонна марафоҥҥа 50 км кыттыаҕа.

«М.К.Аммосов аатынан ХИФУ автодорожнай факультетын бастакы кууруһугар үөрэнэбин. Алдан куоратыгар дьарыкпыт кэнниттэн сэтинньи ыйтан Саха сиригэр тиийэ иликпин. Хакасия Вершина Теитигэр, Тюмень, Уфа, Новосибирскай куораттарга күн бүгүҥҥэ диэри тохтоло суох эрчиллэ сылдьабыт. Бу курдук хайыһарынан дьарыктанан бэйэбин булабын уонна үрдүк чыпчаалга тахсар баҕа санаалаахпын.

Хайыһарынан Амма 1N-дээх орто оскуолатыгар үөрэнэ сылдьан үһүс кылаастан саҕалаан доҕорбун Слава Лыткины батыһан дьарыктаммытым. Бастакы тренерим Георгий Георгиевич Иванов этэ. Онтон төрдүс кылаастан Анатолий Афанасьевич Артемьевка, Олимпийскай Эрэл училищетыгар Петр Петрович Лукачевскайга, Яков Гаврильевич Поповка эрчиллибитим. Билигин тренерим Виктор Леонидович Васильев буолар.

Дойдубуттан ыраах сылдьар буоламмын тренерим Анатолий Афанасьевич Артемьев аатыгар Аммаҕа ыытыллыахтаах өрөспүүбүлүкэтээҕи күрэхтэһиини иккис сылбын көтүтэбин. Сыл аайы оҕолорго даҕаны, улахан да дьоҥҥо даҕаны хайыһарга интэриэс, күрэстэһии таһыма үрдээн иһэр. Буолаары турар турнирга кыттааччылар интэриэһинэй сүүрүүлэри, киирсиилэри көрдөрүөхтэрэ диэн эрэнэбин», – диэн этэр Никита Шестаков.

Источник: https://www.instagram.com/amga_adm_official/

Следите за самым важным и интересным в Telegram-канале и WhatsApp-группе ЯСИА