Суруйааччы, общественнай уонна государственнай диэйэтэл Дмитрий Федосеевич Наумов Алампа аатынан общественнай бириэмийэ лауреата буолла. Бу туһунан «Амма олоҕо» хаһыат суруйда.
Амма улууһун баһылыгынан үлэлээбит, биллэр суруйааччы, элбэх кинигэ ааптара Дмитрий Федосеевич Наумов саха литературатын төрүттээччи, саха норуотун улуу суруйааччыта Анемподист Иванович Софронов аатынан общественнай бириэмийэ «Бастыҥ драматург» номинациятын лауреата буолла.
Хомоҕой хоһоонньут, талааннаах прозаик, драматург Анемподист Софронов аатынан общественнай бириэмийэҕэ өрөспүүбүлүкэ култууратын уонна искусствотын сайдыытыгар таһаарыылаах, өр сыллаах сыралаах үлэлэринэн кылааттарын киллэрбит 10 киһи аата сыллата ааттанан биһирэнэр.
This post was published on 15.11.2021 13:01 13:01