Амма улууһун территориальнай быбардыыр хамыһыйатын бэрэссэдээтэлэ Александра Шестакова иһитиннэрбитинэн, балаҕан ыйын 7 күнүн туругунан ыраах сытар учаастактарга 68 киһи куоластаата.
Ол курдук, Уус Маайа суолугар үлэлии сылдьар үлэһиттэртэн Хатырык учаастагар 29 киһи, ыраах үрэхтэргэ, пиэримэҕэ сылдьар 22 киһи, Лээгигэ 14 уонна Олом Күөл учаастактарыгар 3 киһи болдьоҕун иннинэ бэйэтин быыбардыыр быраабын туһанна.
Маны сэргэ балаҕан ыйын 9 күнүгэр, быыбар күнүгэр олорор сиригэр араас биричиинэнэн суох буолар, эбэтэр атын сиргэ барар дьон уопсайа 577 киһи анал сайабылыанньа суруйан, быыбардыыр төрүт кумааҕы ылан барда. Күн бүгүн учаастактааҕы быыбар хамыһыйаларыгар 260 киһи улуус мунньаҕын дьокутаатын таларга болдьоҕун иннинэ куоластаата.
Ааптар: “Амма олоҕо” хаһыат редакцията.
This post was published on 07.09.2018 15:58 15:58