15 От ыйа 15.07
  • 19°
  • $ 87,74
  • 95,76

Амма улууһугар Саха сирин гектарын туох-ханнык иннинэ эдэр фермердэргэ биэрэр соруктаахтар

Читайте нас на
Яндекс Новости
ЯДВ

Амма улууһугар хаһаайына суох сир төһө да аҕыйаҕын иһин, муниципальнай былаас уоргана үлэлэрин саҥа саҕалыыр фермердэри өйүүр соруктаах.


Улуус баһылыга Николай Архипов «Уһук Илиннээҕи», «Саха сиринээҕи» гектардар тыа хаһаайыстыбатын сайыннарыыга сүрүн олугу уурарын бэлиэтиир. «Билигин дьон бас билиитигэр баар сирдэргэ быраабы регистрациялааһын бара турар. Ирдэниллэр докумуоннар кинилэргэ биир үксүн суохтар эбэтэр ситэри оҥоһуллубатахтар. Федеральнай информационнай систиэмэҕэ публичнай каартаҕа дааннайдарбытын киллэрэбит. Ити үлэни алтынньы 1 күнүгэр диэри түмүктүөхтээхпит», — диэн СИА-ҕа Николай Архипов эттэ.

Үчүгэй үүнүүлээх сир-уот кэлии дьоҥҥо улахан интэриэһи үөскэтэрэ чуолкай. Онон, сиргэ быраабы оҥоруу ураты миэстэни ылар.

«Биһиэхэ оттуур сирдэр, бааһыналар бааллар, ол эрээри хаһаайына суох иччитэхсийэн турар сир суоҕун кэриэтэ. Улууска тыа хаһаайыстыбатыгар анаммыт 26 тыһ. гектар сир баарыттан, бүгүҥҥү тругунан 20 тыһыынчата номнуо докумуонунан бигэргэммит», —диир Архипов.

Саха сирин киин улууһуттан биирдэстэригэр, Аммаҕа тырааныспар кыһалҕата суох. Манна сүөһүнү, сылгыны иитиинэн, оҕуруот аһын, бурдугу үүннэриинэн уруккуттан утумнаахтык дьарыктаналлар.

«Саха сирин гектарын биэрии тыа хаһаайыстыбатын бигэтитэ, сайыннара сатыыр кэмҥэ олус тоҕоостоох. Бу салааны үбүлээһини 9,5 мөл.солкуобайтан 16 мөл.солк. диэри улаатыннардыбыт», — диир баһылык.

Кини этэринэн, Саха сирин гектара ыччат тыа хаһаайыстыбатынан дьарыктанарын көҕүлүөн сөп. 2016 сылга улуус 21 эдэр фермерэ хас биирдиилэрэ 1,5 мөл.солк. суумалаах граны ылбыт.

«Сүөһүнү атыылаһыы боппуруоһа билигин сытыытык турар. Алтаай кыраайыттан симментал боруодалаах ынаҕы атыылаһарга дуогабары түһэристибит», —диир Архипов.

Саха сирин гектарын ылыы, олохтоохтор көхөтөр, көҕүлээһиннэрэ экономика бөҕөргүүрүгэр уонна дьон уйгута улаатарыгар сүрүн төһүү буолуохтарыгар баһылык саарбахтаабат.

Следите за самым важным и интересным в Telegram-канале и WhatsApp-группе ЯСИА