1 Олунньу 01.02
  • -42°
  • $ 70,52
  • 76,3

Амма улууһугар бурдук уонна от былаана кыранан туолбата

Читайте нас на
Яндекс Новости
ЯДВ

Улуус тыатын хаһаайыстыбатын управлениетын салайааччытын солбуйааччы Алексей Шишигин этэринэн, бурдукка былаан 85,2%, окко былаан 97% туолбут.

Окко кыранан дугумматыбыт. Улуус үрдүнэн 30 400 туоннаны оттуур сорук турбутуттан, 29 500 туонна оттонно. Чуолаан Сатаҕай (79,4%) уонна Чапчылҕан (38,6%) нэһилиэктэригэр былаан кыайтарбата. Уоннааҕы нэһилиэктэр кыстыыр отторун син булунан олороллор. Алексей Васильевич «Хас хаһаайыстыбаҕа төһө от тиийбэтин ааҕа-суоттуу сылдьабыт. Иннэ-кэннэ билиннэҕинэ 1500 туонна оту бэйэбит испитигэр атыылыахпыт», — диэн этэр.

Бурдук былаана эмиэ ситтэрбэтэ. 3551 гектарга ыһыы ыытыллыбытыттан 3685 туонна быһылынна. Ол иһигэр сэлиэһинэй -421, нэчимиэн — 1172, эбиэс — 2092 туонна. Былаан быһыытынан 4325 туонна хомуллуохтааҕа. Хаһаайыстыбалартан сыччах «Абаҕа» ХЭТ былаанын толордо, атыттар 70-80% ыллылар.

Олег Егоров, Амма олоҕо

Следите за самым важным и интересным в Telegram-канале и WhatsApp-группе ЯСИА
0
0