Судаарыстыбаннай экология кэтээн көрүүтүн Амматааҕы иниспиэксийэтин сотрудниктара булчуттары кытта Алтан уонна Эмис сэлиэнньэлэр икки ардыларыгар тыатааҕы бар буолуон сөбүн туһунан информацияны бэрэбиэркэлииллэр. Саха сирин экологиятын министиэристибэтин пресс-сулууспата ЯСИҕа иһитиннэрбитинэн, “наада буоллаҕына бултаһарга көҥүл бэриллэр».
«Бу эһэ диэн чуолкай этэр сатаммат. Исписэлиистэр үлэлэрин суолу-ииһи сотор буурҕа ыарырҕатар. Наада буоллаҕына көҥүл барыта бэриллиэҕэ», — диэн биэдэмистибэҕэ иһитиннэрдилэр.
Олохтоохтору сэрэхтээх буолуу дьаһалларын тутуһарга ыҥырдылар.
Санатан эттэххэ, Саха сиригэр эһэлэр үксүгэр муус устарга уһукталлар. Кинилэри тутуу үлэтин тыаһа, ойууру кэрдии эбэтэр территориялары промышленнай баһылааһын уһугуннарыахтарын сөп.
