Амма улууһун Эмис оскуолатын 1989 сыллаахха бүтэрбит Александра Иванова уонна Алексей Михайлов көҕүлээһиннэринэн интеллектуальнай марафон уонна бу оскуола ветеран учууталлара Ульяна Захарованы уонна Прасковья Неустроеваны чиэстээн математикаҕа интеллектуальнай киирсии уонна нуучча тылыгар дорҕоонноохтук ааҕыы күрэхтэрэ ыытылынна.
Марафон бастакы түһүмэҕэр математикаҕа, нуучча тылыгар уонна литературатыгар, биологияҕа,географияҕа, историяҕа,культрологияҕа, физикаҕа комплекснай олимпиада ыытылынна. Манна Эмис, Сатаҕай, Алтан орто оскуолатытын 5-8 кылаас оҕолоро кытыннылар. Иккис түһүмэххэ бу олимпиада түмүгүнэн кыайыылаахтар киирдилэр. Түмүккэ бары өттүнэн бэлэмнээх Алтан орто оскуолатын хамаандата кыайан «Логос» лааҕырга сайын сынньана барар буолла.
Күрэхтэһии консультанынан оскуола 1979 сыллаах выпускницата, п.н.к.ХИФУ ПИ методическай консультационнай киинин дириэктэрин солбуйааччы, «Логос» лааҕыр дириэктэрэ Александра Ушницкая буолла. Кини кэлбит учууталларга ФГОС бүгүҥҥүтэ уонна сарсыҥҥыта диэн төгүрүк остуолу ыытта. Маннык оҕолорго олус туһалаах тэрээһинтэн бары астынан уонна сыл аайы ыытарга диэн сүбэлэһэн тарҕастылар.
This post was published on 04.04.2016 11:27 11:27