21 От ыйа 21.07
  • 29°
  • $ 88,02
  • 96,04

Аммаҕа зоотехниктар Сэбиэттэрэ тэрилиннэ

14:05, 03 марта 2016
Текст:
Читайте нас на
Яндекс Новости
ЯДВ

Тыа хаһаайыстыбатын сайыннарар суоллары тобуларга урукку кэмҥэ үлэлээбит уопуттаах зоотехниктары тирэх оҥостуохтара. Бу туһунан улуус баһылыга Николай Архипов улуус зоотехниктарын, тыа хаһаайыстыбатын исписэлиистэрин кытта кэпсэтиитин кэмигэр этилиннэ.


Бааһынай хаһаайыстыбалар Ассоциацияларын бэрэссэдээтэлэ А.Н. Цыпандина: «Сүөһү ахсаанын 20 тыһыынчаҕа тириэрдэ сылдьыт кэмнээх этибит. Билигин сиэмэлээһин үлэтэ куһаҕан, урут сүөһү 9 ый ыанар буоллаҕына, билигин 5 ый ыыбыт. Ол иһин түһүү таҕыста», — диэн эттэ. Итини сэргэ Александра Николаевна кытараа»ын олус элбээтэ диир.

Саха Өрөспүүбүлүкэтин үтүөлээх зоотехнига М.В. Иванова: «Эбии аһылыкка субсидията көрүҥ. Сүөһү сиир бурдугун үүннэриигэ күүскэ үлэлиэххэйиҥ. Нэһилиэнньэҕэ чэпчэки сыаналаах бурдук наада». Оттон Чакыр олохтооҕо С.Т. Григорьева үлэһит илии тиийбэтин, ыччат ылсан үлэлииригэр, бастатан туран, усулуобуйа толору оҥоһуллуохтааҕын бэлиэтээтэ. «Соморсун» хаһаайыстыба үлэһитэ Г. Заборовская племенной үлэ ыытыллыбатын, Соморсун нэһилиэгэр ааспыт сылга биир даҕаны сүөһү төрөөбөтөҕүн эттэ. «Быйыл «Амма» ТХППК собуотун үлэлэтэн, дьон кэм үүт туттаран эрэр», — диэтэ кини.

Сүөһүнү буоһатыы кыһалҕата үгүс нэһилиэккэ турар. Итиннэ сыһыаннаан «Амма» ТХППК дириэктэрин солбуйааччы А.Д. Жирков бу саас Бүлүүттэн оҕус аҕаларга кэпсэтии ыыппыттарын эттэ. «Хаһаайыстыбалар кыттыһан сайаапката түһэриҥ», — диэн ыҥырда.

Өр кэм зоотехнигынан үлэлээбит М.Е. Смитина мунньахха тахсыбыт кэпсэтии халтай хаалбакка, чахчы үлэ барарыгар эрэнэрин биллэрдэ: «Эдэр исписэлиистэргэ дьиэ тутуохха баара. Нэһилиэк баһылыктара тыа хаһаайыстыбатыттан тэйиччи тутта сылдьаллар. Аныгыскы мунньахха нэһилиэк баһылыктара хайаан да кытталлара ирдэнэр», — диэн эттэ.

Мунньах түмүгүнэн зоотехниктар улуустааҕы Сэбиэттэрэ тэрилиннэ. Бэрэссэдээтэлинэн тыа хаһаайыстыбатын управлениетын сүрүн зоотехнигын Ион Кононовы талллылар. Сэбиэт кыбаартал аайы мустан туох үлэ барбытын-барбатаҕын дьүүллэһиэҕэ. Итини сэргэ хас биирдии нэһилиэккэ куратордар ананнылар.

Следите за самым важным и интересным в Telegram-канале и WhatsApp-группе ЯСИА