Аммаҕа от кэмигэр улахан хонуу күөҕэ өҥнөөх аһыҥаны туттулар. ЯСИА-ҕа ирбэт тоҥу үөрэтэр институт зоология салаатын научнай сотруднига Юлия Ермакова эппитинэн, бу сиэрэй аһыҥа тыһыта буолар. Маннык көрүҥ Саха сиригэр саамай улаханнара, Бүлүү бөлөхтөргө тэнийбит.
«Киин улуустарга баар аһыҥа көрүҥэ. Дьон, кинилэр олус сэрэхтээхтик сылдьалларынан, болҕомтоҕо ылан көрбөт. Бу Саха сиригэр саамай бөдөҥ аһыҥа. Маннык көрүҥ соҕуруулуу-арҕаа, арҕаа баар. Сиэрэй аһыҥа тыһыта сымыыт уура сылдьар, саабылата үөһэ диэки хайыспыт. Дьоҥҥо куттала суох. Сиэрэй аһыҥа сорох ардыгар өссө туһалаах. Сэрэхтээх саранча бииһин-ууһун суох оҥорор, холобура «белополосая кобылка»-ны. Аһыҥа үөн-көйүүр аһылыктаах. Үүнээйини сиэбэт. Илиинэн туттахха, ытырыан сөп, төһөтүн да иһин сиэмэх буоллаҕа», — диэтэ наука үлэһитэ.
This post was published on 04.08.2025 17:15 17:15