Иннокентий Слепцов Амма улууһугар биллэр уус. Кини оҥорбут спортивнай былаһааккалара, беседкалара, тутуулара элбэх ыал, тэрилтэ тэлгэһэлэрин киэргэтэллэр.
Слепцовтар соторутааҕыта базаларыгар киэҥ-куоҥ бассейн туттан болҕомтону тартылар. “Бассейн туттар санаа үөскээбитэ ыраатта эрээри, олоххо саҥа киллэрдибит. Каркаһын сири хаһан түһэрдибит. Сир тымныыта ууга охсубатын диэн анныгар пенофол уонна хаптаһын тэлгээтибит. Онтон каркааһын баайыытын саҕалаабыппыт. Каркааһын кэннэ муостатын саайан, кырыыһатын поликарбонатынан оҥордубут. Биир истиэнэтигэр чараас хаптаһынынан түннүктээн биэрдибит, сайын итиигэ сөрүүкэтэр гына”,- диэн Иннокентий кэпсиир.
Бассейн күһүн хойукка диэри уонна саас эрдэттэн сөтүөлүүргэ анаммыт. Манна 200 кубтаах оһох туруорбуттар. Уутун сылытар гына таһырдьа эмиэ фильтрдаах оһохтоох. Онон дьиэ кэргэн оҕолоругар сайыннарын уһатан биэрдилэр.
This post was published on 03.09.2018 12:15 12:15