Россия күнүн көрсө Амма улууһун биир кыраһыабай, айылҕа барахсан маанылаан үөскэппит сиригэр Амма өрүс үрдүгэр турар Үс хатыҥ турбаза базатыгар илин эҥэр суолу оҥорооччуларын спартакиадата буолан ааста. Ону сэргэ Дьокуускайтан суол управлениета эмиэ хамаанда туруоран кииристэ.
Суол үлэһиттэрэ хапсаҕайга мас тардыһыытыгар, волейболга мини футболга, канат тардыһыытыгар, армрестлиҥҥэ күөн көрсөн илин-кэлин түһүстүлэр. Түмүккэ кыайыылааҕынан управление хамаанда ылла. Иккис миэстэ Чурапчы, үһүс Уус Алдан хамаандалара буолан кыайыы өрөгөйүн биллилэр.
