Улуус баһылыга Николай Архипов нэһилиэктэр баһылыктарын кытта тыа хаһаайыстыбатын үлэтин өрө тардар сыаллаах Сөбүлэһии суруйсуутун саҕалаата.
Улууска күн бүгүн тирээн турар сүрүн соругунан сүөһү ахсаанын элбэтии буолар. Бу сыалы толорор инниттэн улуус салалтата хас биирдии нэһилиэктэн СӨ бырабыыталыстыбатынан быһыллыбыт былааннары толорорго көдьүүстээх үлэни ыыталларын ирдиир.
Улуус баһылыгын кытта көрсүһүүлэр кэмнэригэр олохтоохтор тыа хаһаайыстыбатын салаатыгар бэйэлэрин көрүүлэрин эттилэр, баҕа санааларын туруорустулар. Дьон үксэ сүөһү ахсаанын элбэтэр сыалтан, бастатан туран, сүөһүнү аһылыгынан толору хааччыйыыга болҕомто ууруллуохтааҕын этиннилэр. Итини сэргэ сири нүөлсүтэн оҥоруу үлэтин күүһүрдэргэ ыҥырдылар.
This post was published on 03.03.2016 12:13 12:13