Амма оройуонугар тутуллан эрэр дьиэ умайда. Билигин биллэринэн, баһаар биричиинэтэ — оҕо оонньуута диэн, СИА-ҕа өрөспүүбүлүкэ ЫБМ пресс-сулууспатыгар иһитиннэрдилэр.
Атырдьах ыйын 22 күнүгэр 17:36 баһаарынай- быыһыыр сулууспаҕа Амма оройуонун Амматыгар Яковлев аатынан уулуссаҕа тутуллан эрэр дьиэ умайбытын туһунан иһитиннэрии киирбит. Аҕыйах мүнүүтэнэн баһаарынайдар кэлбиттэр эрээри, дьиэ 49 кв. м. иэнэ бүтүннүү умайбыт.
Оҕо мэниктээһиниттэн сылтаан баһаар буолбут диэн быһаардылар, буруйдааҕы быһаара сылдьаллар.
This post was published on 23.08.2022 15:09 15:09