24 От ыйа 24.07
  • 16°
  • $ 87,3
  • 95,46

Аммаҕа – кылапы ардаҕа (ВИДЕО)

17:05, 29 августа 2018
Текст:
Читайте нас на
Яндекс Новости
ЯДВ

Атырдьах ыйын 28 күнүгэр Айылҕа харыстабылын Амматааҕы инспекциятыгар Алтан нэһилиэгэр биллибэт харамай көстүбүтүн туһунан биллэрдилэр. Роспотребнадзор Управлениетын үлэһиттэрин кытта харамайы ылан, Дьокуускай куорат НРА СС криолитозона биологическай кыһалҕатын институтугар чинчийэ ыыттылар.


Институкка бу харамай corixidae дьиэ кэргэнтэн сыдьааннаах гребляк-кылапы буоларын чуолкайдаатылар. Энтомолог-учуонайдар этэллэринэн, урукку дьылларга Аммаҕа уонна киин улуустарга «кориксиднай ардах» түһэрэ бэлиэтэммит.

«2017-20 сс. кориксид кылапылар киэһэ хараҥарбытын кэннэ лаампа сырдыгар көтөн кэлэн, сиргэ ардах курдук түһэллэрэ. Бу сэдэх түгэн 1994 с. Аммаҕа хатыламмыта. Ол саҕана дьон мөлүйүөнүнэн кылапылары бөһүөлэктэн 6 км. сиргэ көрбүттэрэ. Билигин кинилэр оруобуна миграциялыыр кэмнэрэ», — диэн этэллэр кинилэр.

Гребляк-кылапылар кытаанах кынаттаахтар, 550 көрүҥнээхтэр, 1,5 – 15 мм. диэри уһуннаахтар, кыра уонна орто кээмэйдээхтэр, үксүн отунан-маһынан аһыыллар эрээри, тыыннаах харамайга эмиэ саба түһүөхтэрин сөп диэн сэрэтэр СӨ Экологияҕа министиэристибэтин пресс-сулууспата.

Марианна Тыртыкова, «Саха сирэ», edersaas.ru

Следите за самым важным и интересным в Telegram-канале и WhatsApp-группе ЯСИА