22 Тохсунньу 22.01
  • -48°
  • $ 73,82
  • 83,32

Аммаҕа аҕам саастаахтар күрэхтэстилэр

15:26, 12 апреля 2018
Текст:

Аммаҕа аҕам саастаахтар IV Спартакиадалара буолла. Түмүккэ кыайыылаах тахсыбыттар өрөспүүбүлүкэтээҕи күрэскэ кыттар чиэстэннилэр диэн иһитиннэрэр улуустааҕы Пенсионнай пуонда управлениетын начаалынньыга Алима Черноградская.

Быйылгы күөн күрэскэ нэһилиэктэртэн биэс хамаанда кыттыбыт. Барыта 125 бэтэрээн хабыллыбыт. Алима Юсубовна бэлиэтээбитинэн, быйылгы күрэс кыайыылаахтара бу сайын буолуохтаах өрөспүүбүлүкэ аҕам саастаахтарын I Спартакиадатыгар кыттыахтаахтар.

Спортсменнар шахмакка, дуобакка, остуол тенниһигэр, буулдьанан ытыыга, хабылыкка, хаамыскаҕа уонна волейболга күрэхтэстилэр.

Түмүккэ шахмакка Соморсун, Мээндиги, Сулҕаччы сүүмэрдэммит хамаандалара бастаатылар. Дуобакка 1 миэстэҕэ Абаҕа уонна Бөтүҥ спортсменнара таҕыстылар.

Теннискэ Алтан, Эмис, Сатаҕай кыайыылаах буоллулар. Буулдьанан ытыыга болугурдар, өнньүөстэр уонна Покровкалар иннилэрин кимиэхэ да биэрбэтилэр. Хабылыкка, хаамыскаҕа Амма хамаандата бастаата. Волейболга Алтан, Эмис, Сатаҕай сүүмэрдэммит хамаандалара кыайыы өрөгөйүн биллилэр.  

Хамаанданан уопсай түмүккэ 1 миэстэни Амма, 2 м. — Абаҕа уонна Бөтүҥ, үсүһү Алтан, Эмис, Сатаҕай хамаандалара ыллылар. Аммалар бары күрэхтэһиигэ барытыгар үс бастакы миэстэҕэ сылдьыбыттара элбэх очукуону биэрдэ, — диэн кэпсиир.

Кыайыылаахтарга грамоталар, мэтээллэр, бириистэр туттарыллыбыттар. Теннискэ, шахмакка, буулдьанан ытыыга биирдиилээн зачекка кыайыылааҕынан тахсыбыттар өрөспүүбүлүкэ пенсионердарын I Спартакиадатыгар кыттар чиэстэммиттэр.

Спартакиаданы Александра Шестакова бэрэссэдээтэллээх Амма улууһун бэтэрээннэрин сэбиэтэ тэрийбит. Долгутуулаах тэрээһини арыйыыга улуус баһылыга Николай Архипов, Арассыыйа уонна СӨ бочуоттаах мецената Руслан Федотов, уо.д.а. кыттыбыттар.

Хаартыска: интэриниэттэн

 

1

0
0
0
22 января 22.01
  • -48°
  • $ 73,82
  • 83,32