Саха сиригэр алтынньы 12-13 күннэригэр Сэбиэскэй Сойуус Дьоруойа Федор Охлопков кэриэһигэр ыраах дистанцияҕа ытыыга Бүтүн Арассыыйатааҕы иккис турнир ыытыллыаҕа. Бу туһунан РФ Бэрсидьиэнин Уһук Илиҥҥэ боломуочуйалаах бэрэстэбиитэлин солбуйааччы Юрий Трутнев пресс-сулууспата иһитиннэрдэ, Саха сирэ суруйар.
«Саха сиригэр Сэбиэскэй Сойуус Дьоруойа Федор Охлопков кэриэһигэр анаан ыраах дистанцияҕа буулдьанан ытыыга Бүтүн Арассыыйатааҕы иккис турнир тэрийэр кэмитиэт быһаарыытынан бу сыл алтынньы 12-13 күннэригэр ыытыллыаҕа»,— диэн иһитиннэрдилэр.
Юрий Трутнев этэринэн, турнир биир сүрүн соругунан снайпердар ортолоругар уопут атастаһыыта, Арассыыйа аармыйатын кыаҕын улаатыннарыыта буолар. «Байыаннай дьайыы салгыы барар. Арассыыйаҕа биир бастыҥ снайпердары үлэлэтэр «Сулус» полигона буолар. Биллэн турар, бастакы турнир Саха сирин тыйыс килиимэтигэр ыытыллан, үгүс кыттааччыларга дьоһун тургутуу кэмэ этэ. Полигоҥҥа турнир иннигэр үлэ бары кыттааччыларга бобуллубут буолан, салгын температуратын баллистикаҕа дьайара үгүс өттүн баллистическай калькулятор бырагырааматанын эрэ учуоттанар кыахтаммыта. Саҥа полигон уонна салгын температурата атын буолан кыттааччылар үксүлэрэ квалификационнай түһүмэҕи ааспатахтара. Алтынньыга ипсисэлиистиэрбит хайдах тургутууну ааһалларын көрүөхпүт», — диэтэ Юрий Трутнев.
Турнир хас биирдии блогунан сүрүн бирииһэ — пикап массыына. Иккис миэстэҕэ — вездеход, үһүскэ — 500 тыһ. солк. харчылаах бириис туттарыллыаҕа. Тэрийээччилэринэн «Буойун» байыаннай- спортивнай бэлэмнэнии уонна патриотическай иитии киинэ, Саха сирин Бырабыыталыстыбата, «Байыаннай снайпин федерацията» уопсастыба буолаллар.
Саха сирэ
