Ый алтынньы 7 күнүгэр сиргэ төһө кыалларынан чугаһаан, ордук улаатан, чаҕылыйан көстүөҕэ. Маннык көстүүнү “суперлуние» диэн ааттыыллар. Ол туһунан Ураллааҕы федеральнай университет астрономическай үөрэтэр обсерваториятын инженерэ Владилен Санакоев ТАСС-ка кэпсээтэ.
Исписэлиис этэринэн, ый сиртэн чугас туруоҕа — 360 000 км-тан ырааҕа суох буолуоҕа. “Бу минилуние кэмиттэн 14% кэриҥэ аҕыйах, оттон ый сырдыга минилуниеҕа тэҥнээтэххэ 30%-нан үрдүк буолуо», — диэн Санакоев планета уонна кини аргыһа икки ардыларынааҕы орто ырааҕа 384 400 км буоларын бэлиэтээн эттэ.
Маны таһынан, алтынньы ый устата Сир олохтоохторо Ый Юпитерга Уонна Венераҕа чугаһыырын көрүөхтэрэ, ону тэҥэ бу кэм Сатурну кэтээн көрөргө табыгастаах буолуоҕа, ол иһигэр кини аатырбыт эргимтэлэрэ көстүөхтэрэ.
“Сатурну түүҥҥү халлааҥҥа булар чэпчэки. Халлаан соҕуруу өттүгэр саҕахтан 30 кыраадыстан ырааҕа суох сиргэ көстөр түүн үөһүн саҕана», — диэн Санакоев быһаарда.
Объектива 100 мм-тан тахсар диаметрдаах телескоптаахтар Сатурн саамай улахан спутнигын — Титаны, оттон 250 мм диэри улаатыннардахха — Диону, Тефияны, Реяны, Энцелад уонна Япет көрүөхтэрэ.
Эбии алтынньы 21 күнүгэр Орионида метеор сүүрүгүн күүрээнэ күүтүллэр, чуолкай күн-дьыл турдаҕына — биэс метеору кэтээн көрүөххэ сөп.
