Учуутал аан дойдутааҕы күнүн ЮНЕСКО 1994 сыллаахха олохтообут. Онтон ыла бу күнү 100-тэн тахса судаарыстыба сыллата бэлиэтиир. Бу күн учуутал уопсастыбаҕа балаһыанньатыгар, кини үөрэххэ, сайдыыга оруолугар болҕомто тардаары олохтоммут.
Алтынньы 5 диэн Грегориан халандаарыгар сыл 278-с күнэ (ордук хонуктаах сылга 279-c күнэ). Сыл бүтүө 87 күн баар.
Бэлиэ күннэр:
- ХНТ — Аан дойдутааҕы учуутал күнэ
- Дойдулар ардыларынааҕы проституция суох буолуутун күнэ
- Арассыыйа — Холуобунай ирдэбил үлэһиттэрин күнэ
- Таджикистан — Судаарыстыбаннай тыл күнэ
Түбэлтэлэр:
- 1944 — Францияҕа дьахталлар быыбарга кыттар кыахтаммыттар. Аан дойду иккис сэриитэ бүтүүтүгэр дьахталларга маннык быраап Европа дойдуларыттан Швейцарияҕа уонна Лихтенштейҥҥэ эрэ бэриллибэккэ хаалбыта.
- 1948 — Дьокуускайга Иркутская уулуссаны Дежнев аатынан ааттаабыттар.
- 1952 — Москубаҕа хомуньуус баартыйатын XIX сийиэһэ саҕаламмыт. ВКП(б) аата уларыйан КПСС диэн буолбут.
- 1962 — Улуу Британияҕа Битлз бөлөх бастакы хит ырыата тахсыбыт — Love Me Do (ааҥыл. «Таптаарыый миигин»).
- 1992 — Саха Өрөспүүбүлүкэтин Үрдүкү Сэбиэтин уурааҕынан Сунтаар улууһугар Толоон, Тэҥкэ уонна Наахара нэһилиэктэрэ тэриллибиттэр.
Төрөөбүттэр:
- 1713 — Дени Дидро — Франция суруйааччыта, сырдатааччы бөлөһүөгэ.
- 1948 — Федор Марков — муосчут, СӨ норуодунай худуоһунньуга.
- 1956 — Ирина Подойницына — социология билимин дуоктара, профессор, бэлиитикэ билимнэрин Академиятын чилиэн-корреспондена.
- 1976 — Рамзан Кадыров — Чечен Өрөспүүбүлүкэтин баһылыга.
This post was published on 05.10.2020 09:01 09:01