Атырдьах ыйын 31 күнүттэн балаҕан ыйын 2 күнүгэр диэри «АЛРОСА» АХ кылаабынай энергетига Андрей Тархов уонна исписэлиистэрэ Сунтаар улууһугар кэлэн үлэлээтилэр.
Сунтаар улууһун баһылыгын бастакы солбуйааччыта Николай Александровы, бырамыысыланнас, гражданскай оборона уонна ыксаллаах быһыы-майгы институттарын сайдыытын салаатын үлэһиттэрин кытары Бүлүү өрүс үрдүгэр сытар нэһилиэнньэлээх 16 пууҥҥа сырыттылар.
«АЛРОСА» АХ исписэлиистэрэ Бүлүүчээн, Наахара, Кириэстээх, Куокуну, Тэҥкэ, Бордоҥ, Хадан, Илимниир, Сунтаар, Туойдаах, Устье, Элгээйи, Кутана, Түбэй, Сиэйэ, Түбэй Дьаархан нэһилиэктэригэр сылдьан нэһилиэк баһылыктарын кытары көрүстүлэр. Атын иһэр уу баһар сирдэри, дьүүктэлэри, нэһилиэнньэлээх пууннар инфраструктураларын үөрэттилэр, дааннайдарын хомуйдулар.
Бу үлэ түмүгэ хампаанньа салалтатыгар тириэрдиллэн, Сунтаар улууһун Бүлүү өрүс үрдүгэр сытар 16 нэһилиэккэ уу ыраастыыр ыстаансыйанан хааччыйыы, улуус дьаһалтата туппут ыстаансыйаларын баазатын күүһүрдүүгэ ананыаҕа.
«Сунтаар улууһа (оройуона)» муниципальнай оройуон дьаһалтатын пресс-сулууспата.
This post was published on 03.09.2018 17:21 17:21