21 От ыйа 21.07
  • 18°
  • $ 88,02
  • 96,04

“АЛРОСА” эбийиэктэрин бөҕөргөтүөҕэ

17:00, 14 марта 2018
Текст:
Читайте нас на
Яндекс Новости
ЯДВ

Былырыын “Мир” рудник саахалланан үлэһиттэр суорума суолламмыттара, экономикаҕа хоромньу тахсыбыта. “АЛРОСА” бу кэннэ эбийиэктэригэр куттал суох буолуутугар тугу оҥоһунна? Бу туһунан бэҕэһээ Мирнэйгэ “АЛРОСА” хампаанньа хаһаайыстыбаннай актыыбын мунньаҕа буолан ааста. Мунньахха Ил Дархан Егор Борисов кытынна.


Көрсүһүү кэмигэр хампаанньа генеральнай дириэктэрэ Сергей Иванов “Мир” рудник саахалын чинчийии түмүгэ промышленнай эбийиэктэргэ куттал суох буолуутун хааччыйар систиэмэ, үлэни тэрийэн ыытыы мөлтөҕө көстүбүтүн бэлиэтээтэ. Итини туоратыыга хампаанньаҕа анал кэмитиэт тэриллибит, эбийиэктэргэ систиэмэни саҥардыыга үлэ саҕаламмыт. Ол эрээри Сергей Сергеевич этэринэн, куттал суох буолуутун хааччыйыыга хас биирдии үлэһит эппиэтинэһи сүгэрэ улахан оруоллаах. “Промышленнай эбийиэктэргэ куттал суох буолуутун култуурата диэн баар буолуохтаах. Итини тутуһуу хас биирдии үлэһиттэн тутулуктаах. Ааспыт нэдиэлэҕэ куттал суох буолуутун бырайыагын бигэргэттим. Бу докумуон сүрүн тосхолунан салайааччыларга, миэхэ-эһиэхэ, барыбытыгар, эппиэтинэһи сүктэрии буолар. Хампаанньабытыгар дьон куттаммакка үлэлиир усулуобуйатын тэрийиэҕиҥ”, — диэн этэр кини.

Эбийиэктэргэ куттал суох буолуутун хааччыйыыга бырагыраама оҥоһуллубут. Бырагырааманы бу күннэргэ бигэргэтиэхтээхтэр. Хампаанньа генеральнай дириэктэрин сүбэһитэ Михаил Рязанцев бэлиэтииринэн, бырагыраама биэс бириинсибинэн таҥыллыбыт. Бастатан туран, куттал суох буолуутун хааччыйыыны хампаанньа ханнык да түгэҥҥэ инники күөҥҥэ тутуохтаах, иккиһинэн, хас биирдии салайааччы эппиэтинэһи сүгүөхтээх, үсүһүнэн, оһол, саахал тахсыбатын туһугар үлэ куруутун ыытыллыахтаах, төрдүһүнэн, хас биирдии эбийиэккэ туох буола турарын кистээбэккэ аһаҕастык отчуоттаан иһиэхтээхтэр, бэсиһинэн, куттал суох буолуутун быраабылатын үлэһиттэр бары кытаанахтык тутуһуохтаахтар.

Судургутутан эттэххэ, салайааччы киһи үлэ усулуобуйатын тэрийиэхтээх, оттон үлэһиттэр туох баар быраабыланы барытын булгуччу толоруохтаахтар. Тоҕо диэтэргин, сорох ардыгар киһи үлэтигэр халы-мааргытык сыһыаннаһан, араас эчэйиини ылара да баар суол. Холобур, былырыын эбийиэккэ үлэлии сылдьар киһи страховкалыыр быатын бааммакка, дьиэ үрдүттэн сууллан инбэлиит буолбут, биир киһи анал маасканы кэппэккэ, тимири иһэрдэ туран, хараҕар тимир тооромоһун киллэрбит. Онон хампаанньа быйылгыттан саҕалаан куттал суох буолуутугар үлэни күүскэ ыытыаҕа.

Следите за самым важным и интересным в Telegram-канале и WhatsApp-группе ЯСИА
Тутаах тыллар