Сунтаар улууһун Аллыҥа нэһилиэгэр уулуссалар сырдатылыннылар. Маны сэргэ уу ситимэ тардылынна. Теплотрассаҕа эмиэ үлэ ыытыллан, киин хочуолунайга дьиэлэр холбоннулар.
Аллаҥа баһылыга Николай Спиридонов иһитиннэрбитинэн, олохтоох нэһилиэнньэ көҕүлээһинин өйөөһүн бырагырааматынан быйыл уулуссалары сырдатыыга саҥа баҕаналар туруорулуннулар. Уопсайа 39 лаампа ыйанна. Онон Лесная, Савва Алексеев аатынан уулуссалар уонна Семен Васильев переулога сырдатылынна.
— ОДьКХ ГУТ Сунтаардааҕы филиалын кытта 700 м теплотрасса, ону сэргэ 700 м уу ситимэ тардылынна. Быйылгы дьылга киин ититиигэ икки ыал уонна биир уопсай дьиэ холбоннулар. Оттон ходуһалары күрүөлээһиҥҥэ үлэ сотору кэминэн түмүктэниэ. Уопсайа 30 км оҥоһуллуохтааҕыттан бүгүҥҥү күҥҥэ 20-чэ км бүтэн турар, — диэтэ баһылык.
Ааптар: Юлия Алексеева, Сунтаар улууһа.
This post was published on 30.10.2019 12:27 12:27