20 От ыйа 20.07
  • 19°
  • $ 88,02
  • 96,04

Аллараа Халыма энергетиктара саҥа тэрили ылаллар

11:38, 18 апреля 2018
Текст:
Читайте нас на
Яндекс Новости
ЯДВ

Аллараа Халыма оройуонун энергетическай инфраструктурата саҥардыыга наадыйар. Бу туһунан элбэхтик кэпсэтэн тураллар.

Муус устар 17 күнүгэр Колымскай сэлиэнньэтигэр “КамАЗ” массыына олохтоох ДЭС-кэ анаан үс дизель-генераторы тиэйэн аҕалла. Билигин бу ДЭС-кэ эргэ “Шкода” дизель-генератордары туһаналлар.

Бу тэрили бэйэтин массыынатынан суоппар Петр Тимофеев аҕалла. Кини Арктика улуустарыгар таһаҕаһы тиэйбитэ ыраатта. Быйыл Аллараа Халыма кыһыҥҥы суолугар балаһыанньа атын диир: “Мин сүрүннээн Белай Гора уонна Чокурдаах хайысхаларынан сылдьааччыбын, ол эрээри Халымаҕа хаар массыына кэбиинэтин аһарар. Оттон Поварня учаастакка икки күөл уута тахсыбыт”.

Энергетиктар Аллараа Халыматааҕы РЭС начаалынньыгын Рамиль Алимов уонна ДЭС маастара Евгений Копылов салалталарынан бэлэмнэнии үлэтин ыыппыттар. Оройуон баһылыга Иван Суздалов оройуоҥҥа генерирующай кыамталары саҥардыы ыытылларыттан үөрэр: “Быйыл Колымскайга энергетиктар үгүс үлэни ыытыахтара. Уу суолунан Андрюшкино сэлиэнньэтигэр дизель-генератордары аҕалыахтара”.

Алексей Курило,

Ааптар хаартыската

Следите за самым важным и интересным в Telegram-канале и WhatsApp-группе ЯСИА