26 От ыйа 26.07
  • 17°
  • $ 85,41
  • 93,17

Аллараа Бэстээхтэн Чурапчыга диэри суолу бүтүннүү асфаллаатылар

Читайте нас на
Яндекс Новости
ЯДВ

Бүгүн, алтынньы 7 күнүгэр, Аллараа Бэстээхтэн Чурапчыга диэри «Халыма» федеральнай суол учаастагын үөрүүлээхтик аһыы буолла. Бу 160 км усталаах трасса бүүс-бүтүннүү асфалланна, онон Чурапчы улууһун кииниттэн Дьокуускайга диэри айан сырыыта балтараа-икки чаас кыччаата, диэн СИА кэпсиир.

Мэҥэ Хаҥалас уонна Чурапчы оройуоннарын олохтоохторун бэлиэ түгэнинэн Саха сирин баһылыга Айсен Николаев эҕэрдэлээтэ.

Айсен Николаев иһитиннэрбитинэн, «Халыма» суолун саҥардыы уонна өрөмүөннээһин салгыы барыаҕа. 2025 сылга диэри Ытык-Күөлгэ, онтон Хатыҥнаахха диэри суолу өрөмүөннүүр былаан баар. Ону таһынан Алдан муостатын тутуу былааннанар. Онон Дьокуускайтан Магадаҥҥа диэри суол сылы эргиччи буолуоҕа.

Суол аһыллыытын сиэригэр- туомугар федеральнай суол агентствотын салайааччытын солбуйааччы Игорь Костюченко, РФ сенатора Егор Борисов, бырабыыталыстыба бэрэссэдээтэлин бастакы солбуйааччы Дмитрий Садовников, өрөспүүбүлүкэ тырааныспарга уонна суол хаһаайыстыбатыгар миниистирэ Владимир Сивцев, «Бүлүү» Управтодор начальнига Николай Андреев, оройуон бэрэстэбиитэллэрэ уонна оройуон олохтоохторо кыттыыны ыллылар.

Следите за самым важным и интересным в Telegram-канале и WhatsApp-группе ЯСИА