Бу сыл 9 ыйын түмүгүнэн Аллараа Бэстээх ыстаансыйатыгар диэри 48,9 тыһыынча тонна ас-үөл таһаҕаһа тиэрдилиннэ, ити былырыыҥҥытааҕар 48 быр. элбэх, диэн СИА-ҕа “Саха сирин тимир суоллара” АК АУо пресс-сулууспата иһитиннэрдэ. Ол оннугар тутуу матырыйаалын тиэйии аччаата. Ити “Якутцемент” тэрилтэ өрөспүүбүлүкэ наадыйыытыгар сөп буолары оҥорон таһаарыыта улааппытын кытта ситимнээх.
Урукку сылларга Өлүөнэ үөһээ өртүгэр уу таһыма намыһаҕыттан таһаҕаһы тимир суолунан тиэрдэллэрэ. Быйыл суудуналар сырыыларыгар күн-дьыл усулуобуйата туран биэрэн, Осетровоттан Аллараа Бэстээххэ диэри таһаҕаһы ыыппатылар. Төһө да итинник буоллар, 2018 сыл 9 ыйыгар 522,2 тыһ. тонна таһаҕас тиэйилиннэ, ити былырыыҥҥытааҕар 3 быр. элбэх.
This post was published on 19.10.2018 17:35 17:35